Bedri Hamza, kandidati për kryeministër nga Partia Demokratike e Kosovës, ka vlerësuar mbarëvajtjen e procesit zgjedhor, duke theksuar se qytetarët treguan përgjegjësi dhe kulturë demokratike gjatë votimit.
Ai falënderoi të gjithë të përfshirët në organizimin e zgjedhjeve dhe kërkoi që vullneti i qytetarëve të respektohet deri në fund të procesit.
“Qytetarët e Kosovës treguan qytetari, përgjegjësi dhe kulturë demokratike. Në një proces të qetë dhe dinjitoz, ata dëshmuan besimin e tyre në fuqinë e votës dhe në të drejtën për të vendosur për të ardhmen e vendit. Falënderoj të gjithë pjesëmarrësit në zgjedhje, institucionet, komisionerët, vëzhguesit, mediat dhe forcat e rendit për angazhimin e tyre. Është e rëndësishme që çdo votë të numërohet me kujdes dhe të respektohet plotësisht vullneti i qytetarëve. Demokracia nuk përfundon me votimin, por me respektimin e tij.”
