Lidhja Demokratike e Kosovës ka njoftuar se në periudhën 28 maj – 4 qershor do të zhvillojë një seri takimesh në të gjitha komunat e vendit, ku do të jetë pranë qytetarëve për të prezantuar vizionin e saj politik dhe planet për të ardhmen e Kosovës.
Sipas kësaj partie, këto aktivitete synojnë të forcojnë komunikimin me qytetarët dhe të paraqesin alternativën e saj qeverisëse.
“Bashkë me qytetarët, do ta rikthejmë zhvillimin, shpresën dhe dinjitetin në qeverisje. Ju ftojmë të bëheni pjesë e këtij rrugëtimi. Ejani të takohemi, të bashkohemi dhe ta ndërtojmë bashkë të ardhmen që e meritojmë”, thuhet në komunikatën e LDK-së.
