Një aksident i rëndë ka ndodhur pasditen e kësaj të shtune në aksin Elbasan-Peqin ku një grua 38-vjeçare ka mbetur e plagosur rëndë dhe më pas është transportur menjëherë në spitalin e Traumës në Tiranë.
Sipas burimve bëhet me dije se e reja është me origjinë nga Korça dhe po udhëtonte me makinën e saj tip “Mercedes Benz”, tek e cila gjatë një manovre për të parakaluar është përplasur nga një kamion i tonazhit të rëndë.
Ndërkohë, specialistët e qarkullimit rrugor kanë nisur hetimet për të përcaktuar me saktësi rrethanat e aksidentit dhe përgjegjësitë që çuan në këtë ngjarje të rëndë.
