Kreu i Grupit Parlamentar të Partisë Socialiste, Taulant Balla, ka reaguar në Kuvend pas deklaratave të Sali Berishës për investimet e huaja dhe situatën ekonomike në vend, duke u ndalur te shifrat zyrtare dhe ecuria e ekonomisë shqiptare.
“Natën e mirë (i drejtohet Berishës). Për publikun vlen që gënjeshtrës t’i përgjigjesh me shifra dhe fakte. U tha këtu që investimet e huaja kanë rënë. Investimet e Huaja Direkte, në vitin 2012, ishin 666 milionë euro, ndërsa në vitin 2025 shkojnë në 1.64 miliardë euro. Pra, me matematikën normale, investimet janë rritur rreth 2.5 herë.
Në vitin 2012 PBB ishte nën 10 miliardë euro, ndërsa në vitin 2025 ka kaluar mbi 27 miliardë euro, duke u trefishuar në këtë periudhë”, u shpreh Balla.
