Policia e shtetit ka arrestuar rojen e sigurisë së “OTP” bank, lidhur me grabitjen e djeshme në Tiranë.
Sipas burimeve bëhet me dije se roja e sigurisë nuk ka vepruar për të neutralizuar grabitësin në momentin e ngjarjes.
Mësohet se grabitësi ka arritur t’i marrë një qytetareje rreth 10 mijë paund, ndërsa ajo ndodhej brenda ambienteve të bankës duke kryer një depozitim.
Gjithashtu, autori ka mundur të marrë edhe një shumë parash nga arka e bankës.
Ende nuk është bërë e ditur shuma totale e parave të grabitura.
Policia vijon hetimet për identifikimin dhe kapjen e autorit, si dhe për zbardhjen e plotë të ngjarjes.
