Pep Guardiola ka folur për të ardhmen e tij profesionale, duke lënë të hapur mundësinë që për momentin të mos marrë drejtimin e asnjë kombëtareje. Trajneri katalanas u shpreh se po merr kohë për të reflektuar mbi hapat e ardhshëm pas karrierës së tij në klube.
“Unë trajner i një kombëtare? Tani dua të ndalem për pak kohë dhe të shoh se çfarë do të bëj. As unë nuk e di këtë. Do të kthehem të studioj në La Salle, ku kam studiuar kur isha fëmijë dhe do të bëhem mësues,” tha Guardiola për mediat spanjolle.
Ai shtoi gjithashtu se për momentin është i fokusuar te pushimi dhe reflektimi, ndërsa foli me vlerësim edhe për mesfushorin Bernardo Silva, duke e cilësuar si një lojtar që mund të përshtatet në çdo skuadër.
