Policia e Shkodrës ka arrestuar Klevis Kupçaj i cili u përfshi në një sherr dy ditë më parë në një lokal në Velipojë ku pati edhe të shtëna armësh në ajër.
Dyshohet se pëveç këtij sherri i riu ka qenë më përpara i shpallur në kërkim për një ngjarje tjetër.
Dyshohet se një natë para ngjarjes, më 7 qershor një grup të rinjsh janë përplasur duke debatuar me njëri-tjetrin ndërsa një ditë më pas ndodhi edhe dhuna ndaj Klevis Kuçaj.
Ky i fundit bashkë me disa shokë shkuan tek lokali në Velipojë dhe në atë sherr e sipër dikush ka qëlluar me armë zjarri në ajër.
Policia identifikoi edhe palën tjetër, Agim Ramazani i cili është proceduar nga efektivët.
Pas arrestimit të Kuçajt dhe shpalljes në kërkim të palës tjetër, policia po vijon punën për zbardhjen e plotë të kësaj ngjarje.
