Bashkimi Evropian ka propozuar paketën e 21-të të sanksioneve ndaj Rusisë, duke synuar goditjen e sektorit bankar, industrisë së dronëve, rrjeteve të kriptomonedhave dhe tregtisë së naftës, për shkak të luftës në Ukrainë. Propozimi synon të rrisë presionin ndaj Moskës dhe të dobësojë ndjeshëm sistemin e saj financiar.
“Paketa jonë synon të godasë mbi 90 banka dhe më shumë se 170 individë dhe entitete, duke vendosur ngrirje asetes dhe kufizime transaksionesh, për të dërguar një mesazh të qartë kundër agresionit rus,” tha një zyrtar i Bashkimit Evropian, i cituar nga agjencia Reuters.
Paketa pritet të paraqitet nesër ambasadorëve të vendeve anëtare për miratim, i cili kërkon unanimitetin e 27 shteteve të BE-së.
