Një 28-vjeçare ka ndërruar jetë pas ngjarjes së rëndë të ndodhur mbrëmjen e djeshme në zonën e Lungomares në Vlorë, ku dyshohet se është hedhur nga ballkoni.
E reja u dërgua me urgjencë në Spitalin Rajonal të Vlorës, por mjekët konfirmojnë se ka mbërritur në gjendje shumë të rëndë dhe nuk ka mundur të mbijetojë, si pasojë e plagëve të marra.
Sipas burimeve, ajo ka pësuar dëmtime të rënda në trup nga rënia. Familjarët kanë deklaruar se 28-vjeçarja kishte shfaqur më herët shenja të gjendjes depresive. Viktima ishte nënë e dy fëmijëve.
Policia po vijon hetimet për të sqaruar plotësisht rrethanat e ngjarjes.
