Një ngjarje e rëndë është regjistruar pak minuta më parë në Liqenin e Ulzës, ku një i ri dyshohet se ka humbur jetën teksa po lundronte me motor uji.
Sipas informacioneve paraprake, në vendngjarje kanë mbërritur menjëherë forcat e policisë dhe grupi hetimor, të cilët po punojnë për zbardhjen e rrethanave të incidentit.
Mësohet se drejt zonës është nisur edhe Kryeprokurori i Dibrës, Abaz Muça, për të ndjekur nga afër hetimet.
Deri në këto momente nuk është konfirmuar identiteti i viktimës dhe as nëse bëhet fjalë për banor të zonës apo turist.
Autoritetet po vijojnë kërkimet dhe verifikimet në terren, ndërsa pritet një njoftim zyrtar me detaje të mëtejshme.
