Presidenti amerikan Donald Trump ka deklaruar përmes një postimi në “Truth Social” se anijet kanë filluar sërish të lëvizin në Ngushticën e Hormuzit, një nga korridoret kryesore të transportit detar në botë.
Sipas tij, shumë anije po kalojnë të ngarkuara me naftë dhe situata në këtë korridor është “absolutisht e sigurt”, duke shtuar se ekzistojnë edhe rrugë të tjera alternative tranziti.
Në një postim të mëvonshëm, Trump ka pretenduar gjithashtu se Shtetet e Bashkuara po regjistrojnë një numër më të lartë kalimesh anijesh në Ngushticën e Hormuzit sesa ato që raportohen nga të dhënat e monitorimit komercial.
