Pas protestës së madhe të mbajtur në Tiranë, qytetarët kanë kaluar natën për herë të parë përpara Kryeministrisë, duke e quajtur mëngjesin pas saj “agim shprese”. Protestuesit deklarojnë se nuk do të tërhiqen derisa të plotësohen kërkesat e tyre dhe deri në dorëheqjen e kryeministrit.
Të mbledhur mes Kryeministrisë dhe Kuvendit, ata kanë vijuar me thirrje dhe slogane kundër qeverisë dhe institucioneve të drejtësisë, përfshirë kërkesa për hetime nga SPAK ndaj zyrtarëve të lartë.
Organizatorët kanë paralajmëruar vijimin e protestës në ditët në vijim, ndërsa situata në qendër të Tiranës mbetet e qetë, por e tensionuar, nën monitorimin e forcave të rendit. Deri tani nuk raportohen incidente serioze.
