Mijëra qytetarë janë mbledhur në Tiranë në ditën e 21-të të protestës kundër qeverisë së Edi Rama, ku janë bashkuar edhe pjesëmarrës nga diaspora shqiptare.
Fillimisht, protestuesit janë grumbulluar në sheshin “Skënderbej”, ndërsa më pas janë zhvendosur drejt Kryeministrisë, ku janë mbajtur fjalime nga pjesëmarrës të ndryshëm.
Pas përfundimit të fjalimeve, ka nisur marshimi i qytetarëve rreth godinës së Kryeministrisë, në një atmosferë të vazhdueshme proteste dhe thirrjesh kundër qeverisë.
Sipas raportimeve, një pjesë e emigrantëve nga diaspora kanë shprehur gatishmëri për të qëndruar edhe gjatë natës në shenjë mbështetjeje për tubimin.
