Një person ka humbur jetën në një aksident të rëndë rrugor të ndodhur pak para mesnatës në autostradën Lushnjë–Tiranë, pranë urës së Shkumbinit.
Sipas të dhënave paraprake, një automjet tip “Benz” me targa AB797FZ ka përplasur një biçiklist, i cili ka ndërruar jetë në vendngjarje. Viktima ende nuk është identifikuar.
Policia ka bllokuar përkohësisht qarkullimin në drejtim të Tiranës për kryerjen e veprimeve hetimore. Dyshohet se biçiklisti po lëvizte në mes të rrugës, ndërsa drejtuesi i mjetit ka tentuar të shmangë përplasjen, por pa sukses.
Grupi hetimor po punon për zbardhjen e plotë të rrethanave të aksidentit.
