Një aksident është regjistruar në “Rrugën e Lumit” në Berat, ku një motor ka përplasur një turist holandez teksa kalonte në vijat e bardha.
Sipas të dhënave, 35-vjeçari që drejtonte motorin ka goditur V.J., 53 vjeç, i cili po kalonte rrugën me një grup turistësh.
I dëmtuari është transportuar në Spitalin Rajonal të Beratit dhe ndodhet jashtë rrezikut për jetën. Drejtuesi i motorit është shoqëruar nga policia për veprime të mëtejshme hetimore.
