Dy vajza nga Topanica e Kamenicës, Erza Zubaku (24) dhe Aulona Zubaku (18), kanë humbur jetën në një aksident të rëndë rrugor në Gjermani.
Sipas mediave gjermane, aksidenti ka ndodhur pas një manovre të gabuar për ndryshimin e korsisë, duke shkaktuar një përplasje zinxhir ku u përfshinë disa automjete. Si pasojë, një person ka mbetur i plagosur rëndë, ndërsa disa të tjerë nuk kanë pësuar lëndime.
Autoritetet po vijojnë hetimet për zbardhjen e plotë të rrethanave të ngjarjes.
