Shkrimtarja shqiptare në Londër, Lea Ypi, me anë të një postimi në rrjetin e saj instagram ka ndarë disa vargje të njohura të dramaturgut dhe poetit gjerman Bertolt Brecht, të titulluar “Në lavdi të revolucionarit”, një mesazh me sfond të fortë politikë, pasi prej 24 ditësh mijëra protestuesh tashmë të ardhur edhe nga diaspora kërkojnë dorëheqjen e Kryeministrit Edi Rama dhe kabinetit të tij qeveritar.
Vargjet e poezisë
Kur shfrytëzimi është në rritje,
Shumë njerëz dekurajohen,
Por guximi i tij rritet.
Ai e organizon luftën e tij
Për paga qesharake, për një filxhan çaj
Dhe për marrjen e pushtetit.
Ai e pyet pronën:
“Cila është origjina jote?”
Ai i pyet pikëpamjet:
“Në shërbim të kujt jeni?”
Kudo që ka heshtje,
Ai do të flasë.
Kudo që ka shtypje dhe flitet për fatin,
Ai do t’i quajë gjërat me emrat e tyre të vërtetë.
Kudo që ai ulet në tryezë,
Ulet edhe pakënaqësia.
Ushqimi duket i tmerrshëm
Dhe dhoma tepër e ngushtë.
Kudo që e dëbojnë,
Pas tij mbetet trazira,
Dhe në vendin ku ka qenë gjuetia ndaj tij,
Pakënaqësia vazhdon të jetojë.
