Gjatë stuhisë së fundit në zonën e Shebenikut dhe Malësinë e Sopotit janë regjistruar dhjetëra goditje rrufesh, duke shkaktuar panik te banorët dhe barinjtë që ndodheshin në kullota në zonat e Polisit, Xhyrës, Dardhës dhe Spatharit.
Në fshatin Spathar, në vendin e quajtur “Arrës”, një tufë dhish është goditur nga rrufeja. Si pasojë, 15 bagëti kanë ngordhur në vend, duke i shkaktuar dëme ekonomike familjes së bariut Shaban Kurti.
Ndërkohë, autoritetet lokale dhe shërbimet veterinare po ndjekin situatën në terren dhe kanë nisur procedurat për groposjen e bagëtive, me qëllim shmangien e problemeve sanitare dhe mbrojtjen e mjedisit.
