Seanca për dosjen “CEZ-DIA” në GJKKO është shoqëruar me tensione mes Ilir Metës dhe Monika Kryemadhit.
Meta ka mohuar çdo përfshirje apo ndikim në çështje, duke deklaruar në sallën e gjyqit: “Nuk ekziston asnjë lloj ndikimi politik i ligjshëm. Asnjë SMS e Ilir Metës, as e Monikës… Të gjitha janë shpifje.” Ai shtoi gjithashtu: “As për veprimet e Monikës s’kam ndërhyrje, i di vetë ajo veprimet e saj.”
Nga ana tjetër, Kryemadhi reagoi ashpër gjatë seancës, duke thënë: “Me llafet që të sjell Altin Dumani, thashetheme flet këtu. Mos u merr me llafe grash.” Ajo shtoi: “Kam 4 vjet që e dëgjoj… edhe babai im të çohet nga varri nuk e duroj dot më.”
Gjykata ndërhyri disa herë, duke i tërhequr vëmendjen Kryemadhit dhe duke paralajmëruar përjashtim nga salla në rast përsëritjeje të sjelljes së saj.
Avokati Cakrani: Më 15 faqe është çështja, pjesa tjetër është mbushje
