Takimi i Sekretarit të Përgjithshëm të NATO-s, Mark Rutte me Presidentin Trumpin vjen përpara një samiti të liderëve që mund të jetë i tensionuar në korrik në Turqi.
Marrëdhëniet midis administratës Trump dhe Evropës mbeten të tensionuara për shkak të luftës në Iran, me SHBA-në që po i ul në mënyrë drastike angazhimet e saj të mbrojtjes evropiane.
Po samiti i Tiranës në 2027-tën?
Euronews ka mësuar se deklarata ose përfundimet që do të publikohen në fund të samitit të korrikut nuk përcaktojnë ende një takim tjetër të tillë në vitin 2027.
Zyrtarët e NATO-s, përfshirë Rutte-n, thuhet se po e rishqyrtojnë të ardhmen e këtij eventi vjetor në një përpjekje për të shmangur përplasjet e profilit të lartë nga një administratë agresive e Trump.
“Shqipëria pritet të jetë organizatore e samitit në vitin 2027, por burimet thonë se eventi mund të shtyhet nëse vendi nuk tregon përparim drejt tejkalimit të pragut të shpenzimeve të mbrojtjes të aleancës prej 2 përqind të PBB-së.
Por edhe anëtarë të tjerë si Spanja, Italia dhe Çekia shihen si “të prapambetur”, me Belgjikën që e ka përmbushur vetëm kohët e fundit objektivin e shpenzimeve” thekson artikulli.
Të hënën, Trump kërcënoi të pezullojë ndihmën ushtarake sipas doktrinës së mbrojtjes kolektive të NATO-s për vendet që refuzuan thirrjet për të ndihmuar SHBA-në në luftën e saj në Iran.
Euronews: Rutte takohet me Trumpin për uljen e tensioneve para samitit të NATO-s!
