Media serbe bën të ditur se Presidenti, Aleksandar Vuçiç, tha sot në një tubim para Asamblesë Kombëtare se së shpejti do të jap dorëheqjen nga posti zyrtar, duke propozuar që lista e SNS-së për zgjedhjet e ardhshme të quhet Serbia e Bashkuar.
“Do të jem president vetëm për disa javë të tjera, pastaj do të jap dorëheqjen. Asgjë nuk është për jetë, dhe falë Zotit nuk është. Pra, faleminderit për të gjitha urimet dhe fjalët e mira”- tha Vuçiç.
Ndër të tjeraa Vuçiç deklaroi se Serbia ishte përballur me sfida të mëdha në periudhën e mëparshme, nga përmbytjet, migrimi, koronavirusi, deri te lufta në Ukrainë dhe Lindjen e Mesme, duke shtuar se kishte shumë probleme, një milion vështirësi dhe se të gjitha fatkeqësitë e kësaj bote na kishin rënë mbi kokë.
“Ne kemi qenë gjithmonë së bashku dhe të bashkuar, dhe kështu kemi arritur t’i kapërcejmë ato kriza dhe të përparojmë gjithmonë. Sot, Serbia është ndër vendet më të forta dhe me rritjen më të shpejtë në Evropë dhe në rajon, dhe e katërta në Evropë”, theksoi Vuçiç.
