Një tërmet me magnitudë paraprake 6.1 ka goditur mëngjesin e sotëm verilindjen e Japonisë, duke shkaktuar lëkundje të forta, por pa rrezik për cunami, sipas autoriteteve meteorologjike.
Epiqendra e tërmetit u regjistrua në Paqësor, pranë prefekturës Iwate, në një thellësi rreth 40 kilometra. Lëkundjet u ndjenë me intensitet deri në 5 ballë në disa zona të Aomori dhe Iwate.
Autoritetet japoneze bëjnë me dije se nuk janë raportuar dëme të mëdha dhe as ndërprerje në funksionimin e centraleve bërthamore në rajon.
Tërmeti vjen vetëm pak ditë pas një tjetër lëkundjeje të fortë në të njëjtën zonë, duke mbajtur në gatishmëri shërbimet e emergjencës.
