Kryeministri Edi Rama ka folur në podcastin e tij të së dielës për librin “The Albanian Files”, duke e cilësuar si një botim të rëndësishëm në fushën e arkitekturës dhe zhvillimit urban.
Ai është ndalur edhe te debatet e krijuara rreth librit, duke theksuar se nuk është autor i tij, por ka dhënë vetëm një kontribut si parathënës.
“Është një ndër botimet më të rëndësishme të viteve të fundit, në dritën e skenës së arkitekturës dhe zhvillimit urban, në Europë dhe në botë. Është një botim i ri i kohëve të fundit dhe ka brenda punët, projektet, idetë, shënimet e 60 arkitektëve dhe studiove me një reputacion të padiskutueshëm ndërkombëtar, të cilat i lidh sëbashku në faqet e librit, Shqipëria!”, tha Rama.
“Nuk është libri im, unë aty kam dhënë një kontribut thjesht me një tekst parathënës, si kryeministër i Shqipërisë”, shtoi ai.
