Manchester City ka konfirmuar emërimin e Enzo Marescës në postin e trajnerit të parë, duke njoftuar se italiani ka firmosur një kontratë të vlefshme deri në vitin 2029. Me këtë emërim, Maresca nis një kapitull të ri në stolin e “Citizens”, pas përfundimit të epokës së Pep Guardiolës.
Pas zyrtarizimit, trajneri italian u shpreh i lumtur për rikthimin në klub, duke theksuar se njeh mirë ambientin dhe sfidat që e presin. Ai deklaroi se synimi i tij është të ndërtojë një skuadër fituese dhe të vijojë traditën e suksesit të Manchester City.
Nga ana tjetër, presidenti i klubit, Khaldoon Al Mubarak, vlerësoi Marescën si trajnerin e duhur për të udhëhequr ekipin, duke nënvizuar se filozofia dhe vizioni i tij janë në përputhje me projektin e klubit.
