Kryeministri britanik, Keir Starmer, ka paralajmëruar se rritja e racizmit dhe intolerancës në Mbretërinë e Bashkuar po cenon kohezionin shoqëror dhe po ndikon negativisht në pjesëmarrjen e qytetarëve në jetën publike.
Gjatë një seance në Parlament, Starmer iu përgjigj shqetësimeve të ngritura nga një deputet, i cili tha se gjuha e urrejtjes dhe nxitja e dhunës me motive racore po bëhen gjithnjë e më të pranishme, madje edhe në diskursin politik.
“Duhet të merremi me këtë, sepse po i shkatërron shoqëritë tona”, deklaroi Starmer.
Kryeministri britanik solli në vëmendje edhe vrasjen e deputetes laburiste Jo Cox në vitin 2016 nga një ekstremist i djathtë, duke e përmendur si një kujtesë të pasojave që mund të sjellë ekstremizmi dhe gjuha e urrejtjes.
