Ndërsa sot ka nisur seanca në Kuvend, qindra protestues janë ulur përpara godinës dhe policisë, të cilët kërkojnë dorëheqjen e Kryeministrit Edi Rama dhe qeverisë së tij.
Teksa qëndronin të ulur, ata iu bënin thirrje deputetëve që të dorëzojnë mandatet, duke thënë se nuk përfaqësohemi nga ata.
Ndërsa Partia Demokratike ka vendosur të bojkotojë seancën e sotme.
Në një deklaratë PD thekson se në seancën e së martës mazhoranca ka refuzuar kërkesën për llogaridhënie nga kryeministri dhe zhvillimin e një debati parlamentar mbi protestat qytetare që po zhvillohen prej më shumë se një muaji, si edhe mbi rekomandimet e Rezolutës së Parlamentit Evropian.
