Kievi dhe disa qytete të tjera të Ukrainës janë goditur nga një valë e fuqishme sulmesh ajrore, që autoritetet e cilësojnë si ndër më të rëndat e kohëve të fundit, me përdorim të dhjetëra raketave dhe qindra dronëve.
“Sipas autoriteteve ukrainase, Rusia përdori afro 500 dronë dhe mbi 70 raketa, përfshirë raketa balistike dhe me lundrim, duke goditur Kievin dhe zona të tjera të ndryshme. Shpërthime të forta u dëgjuan për orë të tëra, ndërsa sistemet e mbrojtjes ajrore ukrainase u angazhuan për të neutralizuar sulmet,” thuhet në njoftimet zyrtare.
