Kremlini ka deklaruar se Rusia po vijon krijimin e një “zone tampon” përgjatë kufirit me Ukrainën, duke e cilësuar këtë si një masë të domosdoshme për garantimin e sigurisë së qytetarëve rusë.
Sipas Moskës, procesi po zhvillohet në mënyrë të organizuar dhe lidhet me zhvillimet në terren në rajonet lindore të Ukrainës.
“Procesi po zhvillohet në mënyrë sistematike dhe forcat ruse kanë arritur rezultate të rëndësishme në terren. Zona e sigurisë do të zgjerohet në masën e nevojshme për të mbrojtur territorin rus,” deklaroi zëdhënësi i Kremlinit, Dmitry Peskov, duke shtuar se veprimet lidhen edhe me pretendimet për kontrollin e disa zonave strategjike.
