Presidenti francez Emmanuel Macron pritet të zhvillojë një vizitë zyrtare në Siri, ku do të diskutojë me autoritetet vendase për forcimin e marrëdhënieve dypalëshe dhe çështje me interes të përbashkët.
Sipas Drejtorisë Presidenciale të Medias në Siri, Macron do të shoqërohet nga një delegacion investitorësh dhe përfaqësuesish të kompanive franceze.
Gjatë vizitës, ai pritet të zhvillojë një takim me presidentin sirian Ahmed al-Sharaa dhe delegacionet përkatëse, ndërsa data e saktë e vizitës ende nuk është bërë publike.
Nëse realizohet, kjo do të ishte vizita e parë e një presidenti francez në Siri që nga rrëzimi i regjimit të Bashar al-Assad në fund të vitit 2024.
