Seanca për masat e sigurisë ndaj protestuesve të arrestuar më 2 korrik në Gjykatën e Tiranës është shtyrë për vendimmarrje, ndërsa mbrojtja ka kërkuar që arrestimet të shpallen të paligjshme.
Pas përfundimit të seancës, një prej avokatëve bëri të ditur se qëndrimi i mbrojtjes ka qenë unanim.
“Të gjithë avokatët ramë dakord se arrestimet janë të paligjshme dhe i kemi kërkuar gjykatës t’i shpallë si të tilla. Prokuroria ka kërkuar ‘arrest në burg’ për dy protestues, ndërsa për pjesën tjetër masën e sigurisë ‘detyrim paraqitjeje’,” deklaroi ai.
Gjykata pritet të shpallë vendimin pasi të përfundojë shqyrtimin e kërkesave të palëve.
