Ambasadori i OSBE-së në Shqipëri, Michel Tarran, sot gjatë një interviste televizive nga Korça theksoi se protestat qytetare janë një element normal i demokracisë, ndërsa sfida kryesore për politikën shqiptare mbetet ndërtimi i një dialogu konstruktiv ndërmjet palëve.
“Protestat janë një aspekt normal i jetës demokratike dhe gëzohem që Shqipëria është bërë një vend ku protesta të tilla organizohen në mënyrë shumë qytetare dhe paqësore. Ka pasur disa incidente, por në përgjithësi, pas më shumë se një muaji, nuk ka pasur incidente të rënda”, u shpreh Tarran.
Ndërkohë ambaadoriu shtoi se dialogu politik në Shqipëri nuk është në nivelin e duhur, duke sintetizuar rastin me bashkëjetesën në komunitet, teksa thotë se një herë që të mos jesh dakord me komshiun, ose me kolegët është normale, por duhet të diskutosh, duhet të organizosh zgjedhjet.
