Edhe sot prej 41 ditësh, në bulevardin “Dëshmorët e Kombit”, protestuesit kërkojnë dorëheqjen e kryeministrit Edi Rama dhe gjithë klasës politike.
Ndërkohë nga podiumi ka marrë fjalën edhe ish-luftëtari i UÇK-së, Meçan Zotaj, i cili ka folur me tone të ashpra ndaj qeverisë, duke thënë se Rama nuk turpërohet se ka shkatërruar dhe shitur gjithçka por ndjehet i tillë vetëm nëse i refuzohet koncerti i Kanye West me vlerë 4 milionë euro.
“Kryeministri kriminal i Shqipërisë nuk turpërohet se erdhi në pushtet me mendimin se do të vinte në funksion uzinën e Ballshit dhe e shkatërroi atë, duke e shitur për hekur.Nuk turpërohet. Ai turpërohet vetëm nëse nuk mbahet një koncert dhe hedh 4 milionë euro”, tha Zotaj.
Ndërsa një protestues tjetër tha se kam ardhur nga Kavaja vetëm për rrëzimin e Edi Ramës.
Protestuesi në ditën e 41: Rezistoni ti shporrim të korruptuarit!
