Kryeministri Edi Rama, me anë të një video-postimi në rrjetin e tij facebook, teksa ka komentuar koncertin e djeshëm të Kanye West i cili u mbajt në “Eagle Stadium” në Kashar, ka sulmuar sërish protestuesit të cilët tashmë në muajin e dytë të revoltave masive i kërkojnë dorëheqjen pa kushte të tij dhe të gjithë qeverisë.
Në postimin e tij Rama shkruan se nuk kam paragjykuar ata qytetarë që dolën të protestojnë paqësisht, sepse duan një mjedis më të mbrojtur, por kam bërë dallimin e ditës së flamingos me natën e korbit dhe sorrës.
Postimi i Ramës
Unë e kam bërë dallimin e ditës së flamingos me natën e korbit dhe sorrës. Nuk kam paragjykuar ata qytetarë që dolën të protestojnë paqësisht, sepse duan një mjedis më të mbrojtur. Nuk mund t’i paragjykoj njerëzit që duan shtet më të drejtë në tërësinë e vet. Shoqëria kërkon gjithmonë e më shumë.
