Boris Johnson po lufton për të qëndruar në detyrë si kryeministri i Britanise së Madhe dhe ditët e ardhshme mund të jenë vendimtare.
Një deputet përshkroi sesi të premten, gjatë një vizite në shkollë, ai u pyet nga një grup nëntë vjeçarësh nëse kryeministri do të jepte dorëheqjen apo jo, dhe më pas u ndalua nga nxënësit adoleshentë te cilet pyesnin për sjelljen e Boris Johnson.
Sado që numri i mbështetësve në dukje në rënie të kryeministrit mund të dëshirojë që kjo sagë të ishte thjesht një preokupim i armiqve të tij të shumtë ose i shtypit, çështja nëse ai qëndron apo shkon është bërë një bisedë kombëtare.
Një minister i kabinetit pranon se ka “shumë pakënaqësi” midis shoqatave lokale të partisë – të cilat deputetët do t’i dëgjojnë personalisht këtë fundjavë. Shumë prej tyre raportojnë se posta elektronike eshte mbushur me anëtarë të partisë dhe zgjedhës që vlojnë për atë që po ndodh.
