E ndërsa bota ndodhet në momente të trazuara nga lufta në Lindjen e Mesme dhe në Ukrainë, fregata e re e cila është anija e re kryesore e Marinës Greke, lundroi sot për herë të parë në portin e Pireut. Mbërritja e saj në Pire shoqërohet me një zhvillim specifik, pasi nesër në mëngjes pritet ta vizitojnë Kryeministri Kyriakos Mitsotakis dhe Presidenti Francez Emmanuel Macron. Gjatë vizitës, do të konfirmohet rinovimi i marrëveshjes së mbrojtjes greko-franceze, e cila u nënshkrua në vitin 2021, në një veprim me rëndësi të veçantë për bashkëpunimin midis dy vendeve në sektorin e mbrojtjes.
