Ish-presidentja e Kosovës, Vjosa Osmani, ka reaguar pas ratifikimit të marrëveshjes për anëtarësimin e Kosovës në Bordin e Paqes nga Kuvendi i Kosovës, duke e cilësuar këtë si një moment të rëndësishëm për forcimin e statusit ndërkombëtar të vendit.
Ajo e ka vlerësuar këtë hap si një mundësi për të pozicionuar Kosovën në një vend të merituar në arenën ndërkombëtare, krah shteteve të fuqishme si Shtetet e Bashkuara të Amerikës.
“Ishin Tomahawk-ët amerikanë që, në vitin 1999, çanë errësirën dhe ndalën makinerinë gjenocidale serbe mbi popullin tonë. Ishte Amerika ajo që qëndroi në anën e drejtësisë, kur ne kishim më shumë nevojë se kurrë për shpresë dhe shpëtim. Dhe është Amerika përsëri sot, ajo që qëndron përkrah nesh. Faleminderit SHBA-ve dhe Presidentit Trump për besimin dhe ftesën që të jemi shtet themelues i Bordit të Paqes”, shkruhet tutje në reagimin e saj.
