Dritan Shakohoxha, një nga kandidatët për kreun e FSHF, në zgjedhjet e 2 marsit, ngriti akuza të forta ndaj institucionit të futbollit të drejtuar nga Armand Duka në një intervistë për News 24.
Shakohoxha u shpreh se janë bërë trukime të listave, të cilat janë kriminale sipas tij. “15 emra janë shtuar në shoqatën e Tiranës sot dhe kjo është kriminale. 15 delegatë për të trukuar rezultatin. Janë shpikur nga Federata.
Pagesat apo faturat e FSHF nuk i gjen kurrë. FSHF është një bunker dhe kjo më bën që unë po luftoj kaq shumë. Nuk gjej një motiv për kaq shumë terror që bëjnë, aty duhet të ketë gjëra që fshehin”, tha Shakohoxha”.
Ai u pyet edhe për përfshirjen e Veliajt në këtë garë dhe për audiopërgjimin e fundit të kreut të Bashkisë së Tiranës të publikuar këtë të hënë nga FSHF. “Veliaj po përfshihet me iniciativë të tij”, tha Shakohoxha.
