Pas publikimit të audiopërgjimit të Erion Veliaj nga FSHF, ku kryetari i Bashkisë së Tiranës mbajti një fjalim me fjalor të ulët ndaj anëtarëve të shoqatës Tirana, ka reaguar edhe presidenti Ilir Meta.
Në një postim në Facebook, të shkruar në anglisht, Ilir Meta thekson si të papranueshme dhe të dënueshme “tentativat brutale të politikës, jo për herë të parë, për të ndërhyrë me presion e shantazh në zgjedhjet e FSHF”.
“Të papranueshme dhe të dënueshme tentativat brutale të politikës, jo për herë të parë, për të ndërhyrë me presion e shantazh në zgjedhjet e FSHF, të cilat duhet të jenë të lira, paqësore, të pavarura, transparente dhe me integritet”, shkruan Meta në Twitter, ndërsa vë në “dijeni” edhe UEFA-n e FIFA-n duke u bërë “tag” në rrjetin social.
Unacceptable and reprehensible the brutal attempts of politics, not for the first time, intervening with pressure and blackmail in the elections of the @FSHForg which must be free, peaceful, independent, transparent and with integrity. @UEFA @FIFAcom
— Ilir Meta (@ilirmetazyrtar) January 24, 2022
