Presidenti Ilir Meta foli hapur dhe pa “doreza” ditën e sotme në një konferencë për mediat. Ai tha se në vitin tjetër kur janë parashikuar zgjedhjet lokale, do të garojë duke zyrtarizuar kështu atë që kishte paralajmëruar më parë që pas largimit nga selia e Presidencës do të kthehet në krye të LSI-së.
“Do të marrë fund koha e gallatave me financat e Shqipërisë për të blerë profesionalizmin tuaj përmes presioneve që vijnë përmes pronarëve, pasi ajo gjuhë që është përdorur për të rrëmbyer “ishullin” e vetëm, është e përditshme, prandaj ikin shumë biznesmenë seriozë nga vendi.
Kështu do të përfundojë edhe koha e ndeshjeve të shitura pa filluar. Po i paralajmëroj qetësisht, se janë shqetësuar edhe pse unë kam recituar disa poezi. Unë do të marr pjesë në gara në emër të popullit të 2 marsit dhe përtej.
Të bëhen gati, se pas ballafaqimit të parë, që do të jetë më e largëta për një vit që janë zgjedhjet vendore, koalicionit “Bravo-Brava” që ka 8 vite që qeveris dhe e di teatër luftën kundër korrupsionit, natyrisht do i recitoj vetë një poezi, që e ka bërë vetë shefi i saj “Ina, Ina”.
Do ta dëgjojnë brenda një viti në rastin më të mirë, por ndoshta edhe më shpejt, pasi nuk ka borxh që nuk paguhet” tha ai.
/5pyetjet.al
