Presidenti i UEFA-s, Aleksandër Ceferin ka mbërritur në kryeministri, ku do të takohet me kryeministrin Edi Rama. Ky takim vjen menjëherë pas drekës që Ceferin pati me presidentin e Federatës Shqiptare të Futbollit në kuadër të zhvillimeve të fundit duke marrë në shqyrtim përgjimet e kryebashkiakut të Tiranës, Erion Veliaj.
Temë e diskutimeve me kryeministrin do të jenë zgjedhjet në Federatën Shqiptare të Futbollit, ku theksojmë se Armand Duka kërkon një mandat të 6-të radhazi.
Por ajo që ra në sy është fakti se për ta dërguar në këtë takim, FSHF nuk përdori automjetet e institucionit, por automjetin personal të presidentit Duka.
Ndërkohë që nga agjenda e tij bëhet me dije se ai pas takimit me Ramën do të zhvilloi një vizitë te zyrat e Federatës Shqiptare të Futbollit.
