Presidenti turk Rexhep Taip Erdogan dhe bashkëshortja e tij, Emine Erdogan, janë infektuar me COVID-19..
Presidentja Kosovës, Vjosa Osmani përmes ”Twitter” i ka uruar shërim të shpejtë, Erdoganit dhe bashkëshortes së tij.
Erdogan e ka falenderuar Osmanin duke përshëndetur popullin vëlla të Kosovës.
”Zonja Presidente, unë dhe gruaja ime dëshirojmë t’ju falënderojmë shumë për urimet tuaja të mira dhe të përshëndesim popullin mik dhe vëlla të Kosovës. Faleminderit”, shkruan Ergodan në ”Twitter”.
Lajmin për infektimin me koronavirus, Erdogan e bëi të ditur në ”Twitter”.
“Sot unë dhe bashkëshortja ime dolëm pozitivë në testin e Covid-19. Fatmirësisht kemi simptoma të lehta të variantit Omicron. Jemi në detyrë, do të vijojmë të punojmë nga shtëpia”, shkroi presidenti turk.
