Në komisionin hetimor për inceneratorët nuk kishte vetëm akuza, por edhe batuta. I dyti që dëshmoi ishte Arenc Myrtezani, ish-administrator i inceneratorit të Fierit.
Deputeti Helidon Bushati e pyeti nëse pushuan retë e tymit pas investimit që bënë?
“Pyetja më duket pak humor Shkodre, por më pëlqen dhe e mirëpres. Për një vit cfarë mund të bëj për tymin e krijuar për 30 vite, nuk jemi Zoti” tha ai duke e shoqëruar përgjigjen me një buzëqeshje.
“Të pastrohet ky vend, që të mos na vijnë turp kur vijnë miq të huaj në vendin tonë” tha më tej ai.
Në fund, Jorida Tabaku i nxori listën e pagave, ku sipas saj rezulton se paguhet 9 mln lekë të vjetra. Por Arenc Myrtezani bëri një batutë që shkaktoi të qeshura nga të dy krahët.
“9 milionë lekë? Atëherë më jepni lekët se mi kanë vjedhur. Seriozisht është 9 mln lekë? 1.8 mln lekë marr unë” tha ai.
Por Jorida Tabaku hodhi dyshime për pastrim parash. “Shiko, unë e mirëkuptoj, çoji në prokurori se deklarojnë pak për ty. Këtu kanë deklaruar 9 mln lekë. Këta pastrojnë para atëherë” tha ajo.
/5pyetjet.al
