Ish-kryeministri Sali Berisha u shpreh pasditen e sotme nga Manza se banorët e prekur nga tërmeti i 26 nëntorit të 2019, shtëpitë që morën nga qeveria nuk mund t’i shesin.
“Shtëpitë e ndërtuara duan t’ua japin sikur janë të shtetit. E keni dëgjuar se nuk mund t’i shisni. Por ky është një akt, anti-kushtetues, anti-ligjor. Ajo ose është e jotja, ose jo. Por këtë mund ta bëjë vetëm Edi Rama. Këtë nuk e ka bërë as Enver Hoxha” tha ai.
Berisha akuzoi kandidatin e Lulzim Bashës për Durrësin, Luan Hotin. “Luan monopoli vjen këtu me monopolin e Ramës për portin. Demokrat që ka firmosur monopolin e shërbimit të porteve. Pa çuar valixhen me euro te Edi Rama, atë monopol nuk e merr kurrë.
Ka pasur kompani të tjera që janë pajisur në garë. I shiti shpirtin Ramës apo euro, nuk e di, por monopoli është i ndaluar me ligj” tha ai.
/5pyetjet.al
