I dënuari “VIP”, Emiljano Shullazi paraditen e sotme është transportuar në spitalin e burgut pas probleme shëndetësore.
Me urgjencë nga një mjet i blinduar i RENEA-s dhe forca të shumta policie që e shoqëronin, Shullazi u fut në ambientet e spitalit për mjekim. Emijano Shullazi vuan dënimin në regjimin e posaçëm 41-bis, ku ishte izoluar.
“Drejtoria e Përgjithshme e Burgjeve, në bashkëpunim me repartet RENEA të Policisë së Shtetit, shoqërojnë të burgosurin Emiliano Shullazi nga burgu 313 drejt QSUT, ku do t’i kryehet një vizitë e planifikuar nga mjekët. Menjëherë më pas, personi do të rikthehet në institucion sërish nën masa të rrepta sigurie” mbyllet njoftimi i “Burgjeve”.
Në fund të vitit të kaluar, pas më shumë se 80 seancash gjyqësore të zvarritura, nën akuzën e gjobëvënies dhe krijim të grupit të strukturuar kriminal, Emiliano Shullazi u dënua nga Apeli me 14 vite burg.
Por pak ditë më parë, një tjetër dosje u dërgua nga SPAK në gjyq kundër tij për vrasjet e Vajtin Lamajt dhe Klodian Salihit.
/5pyetjet.al
