Ambasadori i Shqipërisë në OKB, Ferit Hoxha tha se po zhvillohet një takim urgjent i Këshillit të Sigurimit.
“Shqipëria dënon agresionin e paprovokuar të Rusisë ndaj Ukrainës. Rusia po sulmon brutalisht fqinjin e saj të cilit dëshiron t’i mohojë ekzistencën, lirinë, tokën dhe dinjitetin. Shqipëria i bëri thirrje OKB-së që të mbështesë sovranitetin dhe integritetin territorial të Ukrainës.
“Nuk ka të bëjë me shqetësimet e Rusisë; ka të bëjë vetëm me oreksin e Rusisë. Ukrainasit po përballen me një agresion tjetër, vetëm sepse ata guxojnë të ekzistojnë, sepse kanë zgjedhur të jenë të pavarur, sepse kanë zgjedhur demokracinë. Maskat më në fund janë hequr; Tanket janë brenda”, shkruan ambasadori Hoxha në Twitter.
