Presidenti amerikan, Joe Biden, ka dalë në një konferencë të jashtëzakonshme ku i drejtohet kombit amerikan pas sulmit të Rusisë ndaj Ukrainës.
Pak më herët, Biden shkroi në Twitter duke paralajmëruar për paketa shkatërruese sanksionesh ndaj Rusisë pas sulmit të saj mbi Ukrainë. Biden ka deklaruar se do të vijojnë masat ekonomike për t’i kërkuar llogari Rusisë.
“Këtë mëngjes, u takova me homologët e mi të G7 për të diskutuar sulmin e pajustifikuar të Presidentit Putin ndaj Ukrainës dhe ne ramë dakord të ecim përpara në paketat shkatërruese të sanksioneve dhe masave të tjera ekonomike për të kërkuar llogari nga Rusia. Ne qëndrojmë me popullin e guximshëm të Ukrainës”, shkruan Presidenti i SHBA-ve në “Twitter”.
