Kryetari i bashkisë së Kievit, ish-boksieri, Vitali Klitschko tha në orët e mbrëmjes së të premtes se trupat ruse ishin “shumë afër kryeqytetit” dhe parashikoi “një natë të vështirë” për qytetin.
“Situata tani është kërcënuese për Kievin, pa ekzagjerim. Nata dhe mëngjesi do të jenë të vështira”, tha Klitschko në një postim në Telegram.
“Trupat ruse janë shumë afër kryeqytetit. Grupet e sabotazhit po neutralizojnë ushtrinë dhe agjencitë ligjzbatuese në qytet. Urat janë nën mbrojtje dhe kontroll të veçantë në kryeqytet. Në to po patrullojnë ushtarë të Forcave të Armatosura”, tha ai.
Ai shtoi se spitalet e Kievit po funksiononin në kohë lufte dhe tha se pikat e kontrollit janë instaluar në hyrjet kryesore të qytetit dhe pranë objekteve strategjike në Kiev.
“Ne po e bëjmë këtë për të mbrojtur Kievin,” tha ai, duke shtuar “falënderoj banorët për gatishmërinë e tyre për të mbrojtur kryeqytetin dhe vendin, së bashku me njësitë e tjera të Forcave të Armatosura dhe agjencitë e zbatimit të ligjit.”
CNN raportoi më herët se zyrtarët e inteligjencës amerikane janë të shqetësuar se Kievi mund të bjerë nën kontrollin rus brenda disa ditësh, sipas dy burimeve nga inteligjenca.
