Edhe gjatë ditës së sotme do të ketë reshje bore në Kosovë.
Instituti Hidrometeorologjik i Kosovës (IHMK) ka njoftuar se temperaturat minimale do të lëvizin ndërmjet -5 deri 0 gradë Celsius, kurse maksimalet e ditës 2-8 gradë Celsius.
“E hëna karakterizohet nga moti kryesisht i vranët dhe me reshje të herë pas hershme të borës. Nga dita e martë reshjet do të vazhdojnë vetëm nëpër disa zona, kryesisht në rrafshin e Dukagjinit. Nga dita e mërkurë, parashikohet mot me diell. Temperaturat minimale do të lëvizin nga -5 deri 0 gradë Celsius, ndërsa maksimalet e ditës 2-8 gradë Celsius. Do të fryjë erë kryesisht nga verilindja e lehtë deri mesatare, kurse në viset e larta, shpejtësia e erës do të arrijë mbi 12m/s”, thuhet në njoftimin e IHMK-së.
