“Shtëpia e Bardhë nuk kërkon ndryshimin e regjimit në Rusi”, tha sonte zëdhënësja e presidentit amerikan Joe Biden. Komenti erdhi me nxitjen e një senatori që bëri thirrje për vrasjen e presidentit rus Vladimir Putin.
“Ne nuk jemi për vrasjen e liderit të një vendi të huaj apo për ndryshimin e regjimit. Kjo nuk është politika e Shteteve të Bashkuara” u tha Jen Psaki gazetarëve.
Senatori republikan i Karolinës së Jugut Lindsey Graham bëri thirrje që “dikush në Rusi ta largojë këtë djalë nga rruga”, duke iu referuar Putinit.
Cecilia Raus, këshilltarja ekonomike e Shtëpisë së Bardhë, tha gjithashtu se qeveria po shqyrtonte nëse do të kufizonte përdorimin e saj të energjisë ruse në Shtetet e Bashkuara.
/5pyetjet.al
