I veshur me kapuç dhe maskë autori i vrasjes brutale të katërfishtë të familjes shqiptare në Andravidë të Greqisë, sot doli para gjyqit.
Jashtë ishte mbledhur një turmë e zëmëruar që nuk i kurseu ofendimet dhe mallkimet kundër tij.
Autori është 60-vjeç dhe familjes shqiptare i kishte dhënë shtëpinë me qira.
Greku çiftin shqiptar e ekzekutoi me armë, ndërsa nuk ka treguar se si ua mori jetën dy fëmijëve, 2 dhe 3 vjeç, por paraprakisht nga autopsia ka rezultuar se i ka mbytur.
Ai ka deklaruar se me familjen shqiptare ka pasur probleme edhe në të kaluarën për cështjen e qirasë së shtëpisë.
Pas krimit ai tentoi që të fshehë dy trupat e çiftit, por pa mundur duke u larguar më pas me kamionin e tij.
Ishte fëmija i tretë i familjes që pasi shkoi në shtëpi pa vëllanë e vogël pa shenja jete dhe ngriti alarmin.
